Kompetansenivå
Ha kunnskap om = mellomste kunnskapsnivå
Kva handlar læringsmålet om?
Det er stor variasjon i kva tilbod som finst lokalt og regionalt i Noreg, og dette gjer det naudsynt å skaffa seg god oversikt over kva ressursar som finst i nærområdet. Dersom det ikkje er tilbod lokalt, bør legen vita kvar det næraste tilbodet finst i regionen. Denne kunnskapen er ein føresetnad for å kunna gi god oppfølging av pasientar og sørga for best mogleg utnytting av ressursane.
Tips til samtale og refleksjon i individuell rettleiing
Kva helsetenestetilbod finn du i kommunen der du jobbar, til dømes frisklivssentral, rehabiliteringstilbod eller hukommelsesteam?
Kva helsetenestetilbod finn du utanfor kommunen som kan vera aktuelle for dine pasientar?
Korleis er legevakt og ambulansetenester lagt opp i din kommune eller ditt nærområde?
Kor langt må ein pasient reisa for poliklinisk behandling eller døgnbehandling i spesialisthelsetenesta?
Kor finn du næraste KAD-eining, sjukestove, eller fødetilbod?
Reflekter over kasus der manglande kunnskap om lokale og regionale helsetilbod medførte at pasienten fekk dårlegare oppfølging eller behandling.
Dei sju legeroller
Kva legeroller er relevante for dette læringsmålet? Kva rolle opplever du mest utfordrande, og kvifor?
Ressursar
Først publisert: 27.05.2025 Sist oppdatert: 03.07.2025